Екібастұзда сауда үйінің төбесі опырылып қалды

АСТАНА. KAZINFORM — Оқиға орнында шұғыл қызметтер жұмыс істеп жатыр. Бұл туралы ТЖМ баспасөз қызметі хабарлады.

- Екібастұз қаласы М.Әуезов көшесі бойындағы сауда үйлерінің бірінде 150 шаршы метр алаңда аспалы төбенің опырылуып қалған, - делінген ТЖМ хабарламасында.

Оқиға орнында шұғыл қызметтер жұмыс істеп жатыр. 

Зардап шеккендер жоқ.

- 16 ақпанда «Maxi Mall» сауда үйінің ғимарат ішінде аспалы төбе құлап түсуіне байланысты «103» желісі бойынша «112» диспетчерінен шақыру түсті. Жедел жәрдем бригадасы оқиға орнына 7 минут ішінде жетті. Қазіргі уақытта жедел медициналық жәрдем бригадасы оқиға орнында кезекшілікте. Зардап шеккендер жоқ, - деді Павлодар облысы Денсаулық сақтау басқармасынан.

Еске салсақ кеше Тараз қаласында сауда орталығына жарылғыш зат қойылды деген хабар тарап, ондағы адамдар эвакуацияланған еді. Жамбыл облысы ПД тексеру нәтижесінде ешқандай жарылғыш зат табылмағанын айтты.