Екібастұз МАЭС-2-ге 3,4 млн. теңге айыппұл салынды

АСТАНА. ҚазАқпарат - 2016 жылғы 13 сәуір - 25 мамыр аралығындағы кезеңде Қазақстан Республикасы Ұлттық экономика министрлігі Табиғи монополияларды реттеу және бәсекелестікті қорғау комитетінің Павлодар облысы бойынша департаменті «Табиғи монополиялар және реттелетін нарықтар туралы» Қазақстан Республикасы Заңының талаптарын сақталуына 2015 жылғы кезең бойынша «Екібастұз МАЭС-2 станциясы» АҚ-ның (бұдан әрі - МАЭС-2) қызметіне ішінара тексеру жүргізді.

ГРЭС-2-нің қызметін тексеру шеңберінде:

- Заңның 7-бабының 8, 12 тармақтарын бұза отырып, атап айтқанда МАЭС-2 Үлгі шарттың ережелеріне сәйкес келмейтін реттеліп көрсетілетін қызметтер (суды магистралдық құбыр жолдар арқылы беру) ұсынуға тұтынушылармен шарттар жасағаны, осылайша реттеліп көрсетілетін қызметтер ұсынуға шарттар жасау кезінде тұтынушылар құқықтарын бұзғаны;

- Заңның 7-бабының 7-2 тармағын бұза отырып, МАЭС-2-нің  тарифтік сметаны орындамауына жол беруі анықталды.

Тексеру нәтижелері бойынша МАЭС-2-ге қатысты ҚР ӘҚБтК 164-бабының 4 бөлігі бойынша әкімшілік іс қозғалып, қаралды. Көрсетілген бапта 1600 айлық есептік көрсеткіш мөлшеріндегі айыппұл түріндегі санкция қарастырылған, ол 3 393 600 теңгені құрайды. 

Бұдан басқа, МАЭС-2 атына табиғи монополиялар және реттелетін нарықтар туралы заңнаманың бұзушылықтарын жою туралы нұсқама шығарылды. Қазіргі уақытта нұсқама орындалды.