Екібастұзда ішінде 17 млн. теңгеден астам ақша болған көлікті айдап кетті

ПАВЛОДАР ОБЛЫСЫ. 20 наурыз. ҚазАқпарат - Белгісіз екі адам Екібастұз қаласының Автобаза өтпе жолында «Ауди» көлігін айдап кетті.

ІІД-нің баспасөз қызметінен хабарлағандай, шетел көлігінің жүксалғышында жеке кәсіпкерліктің директорына тиесілі 17,7 млн. теңге ақша болған.

Қылмыстық іс қозғалды. Полиция шұғыл-іздестіру іс-шарасын өткізуде.