13:43, 02 Ақпан 2017 | GMT +5
ЭКСПО билеттеріне қатысты шағымдар болған жоқ - Ақсұлу Арзықұлова
АСТАНА. ҚазАқпарат - ЭКСПО билеттеріне қатысты шағымдар келіп түскен жоқ. Бұл туралы «Астана ЭКСПО-2017» ҰК Қоғаммен байланыс департаменті директорының орынбасары Ақсұлу Арзықұлова мәлім етті, деп хабарлайды ҚазАқпарат.
Баспасөз мәслихатында тілшілер компания өкіліне бұған дейін «аймақтарда мұғалімдерге билет мәжбүрлі сатылып жатқандығы туралы ақпарат тарағандығын, осы ретте бұл фактілер нақтыланды ма?» деген сауал қойды.
«ЭКСПО» ұлттық компаниясы тарапынан мұндай тапсырма болған жоқ. Сондықтан да құқық бұзушылықтарға жол бермес үшін, арнайы желіні қосқан болатынбыз»,-деді Арзықұлова.
Осы орайда ол компания сайтында анайы ақпарат бар екендігін, яғни hotline@expo2017astana.com поштасы ашылғандығын еске салып өтті.
«Егер де ЭКСПО билеттеріне қатасты құқық бұзушылықтар болса, осы электронды поштаға нақты фактілерді жазып жіберуге болады. Бірақ та, бүгінгі таңда бұндай құқық бұзушылықтар бойынша шағымдар тіркелген жоқ»,-деп нақтылады ол.