ЭКСПО қонақтарына оңтүстіктің сусындары мен жемісі таратылды

None
None
  АСТАНА. ҚазАқпарат - Елордадағы Оңтүстік күндерінде «ЭКСПО-2017» халықаралық көрмесін тамашалауға келген қонақтар оңтүстіктің ерекше сыйына куә болды, деп хабарлайды облыс әкімінің баспасөз қызметі.

null
Яғни, бас қаланың төрінде оңтүстікқазақстандық өнертапқыш Еркінбек Бөкебаев ойлап тапқан «Qazaq Arbasy»-ның екі данасы қойылып, онда ұлттық сусындарымыз - қымыз, қымыран және құрт, түстік аймақтың дархан даласында пісіп жетілген жеміс-жидектер шараға келушілерге тегін таратылды. 
null

Астанадағы «Бәйтерек» алаңының маңында ұйымдастырылған шараға қала қонақтары мен шетелдік меймандар көптеп келді. Алғашында тегін таратылған тағамдарға таң қалған халайық, кейіннен оңтүстіктің мырзалығына тәнті болып, алғысын білдірді. 
null

Іс-шараны ұйымдастырушылардың айтуынша, оңтүстіктің Астанаға тартуы әрмен қарай да, күнгейдің теріскейдегі мәдени күндері аяқталғанша жалғасады.
null

Айта өтейік, Елбасы Нұрсұлтан Назарбаев «Болашаққа бағдар: рухани жаңғыру» бағдарламалық мақаласында ұлттық кодты сақтай білу арқылы ұлттық сананы жаңғырту қажеттігі жөніндегі тапсырмасына орай, оңтүстікқазақстандық өнертапқыш Еркінбек Бөкебаев дәстүрді сақтап қалудың тың үлгісі ретінде қазақтың ескі пішіндегі арбасының үстіне киіз үйді қондырған жылжымалы дүңгіршек - «Qazaq Arbasy»-сын ойлап тапқан-ды. Бұл арба қазақтың қымыз-қымыран секілді ұлттық сусындарын сатуға арналған.
null

Соңғы жаңалықтар
telegram