Ел аумағында апта ішінде 6,6 мың қылмыс тіркелді - ҚР ІІМ

АСТАНА. 10 шілде. ҚазАқпарат - Апта ішінде ел аумағында 6 686 қылмыс тіркелді, оның 2 820-і «ізі суымай» ашылды.

Сондай-ақ бұрын жасалған 750 қылмыс, оның ішінде өткен жылдар санатындағы 43 қылмыс ашылды.

Бұл туралы бүгін ҚР ІІМ ресми өкілі Нұрділдә Ораз мәлім етті.

Іздеу жарияланған 70 қылмыскер ұсталып, 6 дана қару тәркіленіп алынды. Есірткінің заңсыз айналымына байланысты 48 қылмыс анықталды, оның ішінде 27 - сату фактісі. 1,5 тоннаға жуық есірткі заты, оның ішінде 2 келіден аса героин тәркіленді.