Ел құрамасы дзюдодан Азия ойындарында күміс медаль жеңіп алды
АСТАНА. KAZINFORM — Қазақстан құрамасы дзюдодан Аичи-Нагояда (Жапония) өтіп жатқан Азия ойындарында жүлдеге қол жеткізді.
Отандастарымыз аралас командалық бәсекенің финалына дейін жетіп, Жапония құрамасымен кездесті. Нәтижесінде жапониялықтар 4:0 есебімен басым түсті.
Осылайша Қазақстан құрамасы аралас командалық жарыста екінші орын алды.
Бұл бағдарламада ұлттық құрама сапында Айдар Арапов, Ғұсман Қырғызбаев, Марат Байқамуров, Ажар Асхат, Аида Тойшыбекова, Меруерт Сәрсенова, Бақытжан Абдурахманов, Әділет Алмат, Дана Әбдірова, Эсмигүл Куюлова, Ерасыл Қажыбаев, Екатерина Токарева өнер көрсетті.
Еске салайық, бұған дейін Мариан Журавлева джиу-джитсудан Азиаданың қола жүлдесін жеңіп алғанын хабарлаған едік.
