Елбасы Діндер басшыларының кеңесін құруды ұсынды

денің 1-і. ҚазАқпарат /Ернұр Ақанбай/ - Елбасы Нұрсұлтан Назарбаев Діндер басшыларының кеңесін құруды ұсынды. Президент бұл ұсынысын бүгін Астанада өтіп жатқан Әлемдік және дәстүрлі діндер басшыларының үшінші съезінде жасады,

деп хабарлайды ҚазАқпарат.

«Біздің съездің Хатшылығы және Мәдениеттер мен діндердің халықаралық орталығы басқа да форумдармен және халықаралық ұйымдармен диалог және ынтымақтастық үшін Діндер басшыларының кеңесін құру мәселесін ойластырғаны жөн. Оның жұмысы мәдениеттердің диалогына және экономикалық өзара іс-қимылға бағытталуы қажет», - деді Елбасы.

Мемлекет басшысы съезге қатысушылардың бұл ұсынысты қолдайтындарына сенім білдірді.