Елбасы Германия Социал-демократиялық партиясы фракциясы басшыларымен кездесті

АСТАНА. 9 ақпан. ҚазАқпарат - Мемлекет басшысы Нұрсұлтан Назарбаев Германия Социал-демократиялық партиясы фракциясының басшылары Франк-Вальтер Штайнмайермен және Гернот Эрлермен кездесті, деп хабарлайды ҚР Президентінің баспасөз қызметі.

Әңгімелесу барысында екіжақты саяси және экономикалық өзара іс-қимылдың кең ауқымды мәселелері жөнінде пікір алмасылды.

Франк-Вальтер Штайнмайер ГФР-ның Федеральдық сыртқы істер министрі болған кезінде қазақстан-герман серіктестігін дамытуға үлкен үлес қосты. Гернот Эрлер Берлиндегі Қазақстан-Герман қоғамын ұзақ уақыт басқарды.