Елбасы Қарағандыда фармацевтикалық кәсіпорынды аралап көрді

ҚАРАҒАНДЫ. ҚазАқпарат - ҚР  Президенті Нұрсұлтан Назарбаев «Қарағанды фармацевтика кешені» жауапкершілігі шектеулі серіктестігіне барды, деп хабарлайды ҚазАқпарат Ақорданың баспасөз қызметіне сілтеме жасап.

Мемлекет басшысы озық құрылғылармен жабдықталған, өндірістік жобалық қуаты жылына 4 миллион биотехнологиялық дәрі-дәрмек бумасын шығаруға лайықталған кәсіпорынды аралап көрді.

Сонымен қатар, Нұрсұлтан Назарбаевқа өңірдегі денсаулық сақтау саласын цифрландыру және мемлекет-жекешелік әріптестік аясындағы жобалардың іске асырылу барысы баяндалды.