Елбасы Қазақстан әйелдерін 8 Наурыз мерекесімен құттықтады

АСТАНА. 7 наурыз. ҚазАқпарат - Бүгін Ақордада Елбасы Нұрсұлтан Назарбаев 8 Наурыз - Халықаралық әйелдер күніне орай «Көктем шуағы» тақырыбы аясында Қазақстанның әйелдер қоғамдастығы өкілдерімен кездесіп, барша қазақстандық әйелдерді мерекемен құттықтады.

«8 наурызды І ғасырдан бері қарай Халықаралық әйелдер күні ретінде көптеген мемлекеттер атап өтеді. Ол әр елде әртүрлі аталады. Дегенмен, мағанасы біреу-ақ. Біздің еліміздегі 8 млн.-нан астам әйелді, келіншектерді, барлықтарын келе жатқан осы 8 Наурыз - Әйелдер күнімен шын жүректен құттықтайын деп Сіздерді шақырып отырмын. Шын жүрегіммен оларға бақыт, береке, жанұяларында үлкен табыстар тілеймін», - деді Н. Назарбаев.