Елбасы Монако Князінің нәрестелеріне ұзақ ғұмыр мен бақыт тіледі

АСТАНА. ҚазАқпарат - Мемлекет басшысы Нұрсұлтан Назарбаев Монако Князі II Альберді егіз балалы болуымен құттықтап, жеделхат жолдады.

Бұл туралы Ақорданың баспасөз қызметінен хабарлады.

Елбасы Монако Князін қызы Габриэлла мен ұлы Жактың өмірге келуімен құттықтады.

Нұрсұлтан Назарбаев ІІ Альберге және зайыбы Шарленге бақ-береке, ал нәрестелерге мықты денсаулық, ұзақ ғұмыр және бақыт тіледі.