Елбасы Нұрсұлтан Назарбаевтың қатысуымен еліміздің Бас шыршасының шамдары жағылды

None
None
ТАНА. 29 қараша. ҚазАқпарат /Руслан Ғаббасов/ - Бүгін Астанадағы Ақ Орданың алдындағы алаңда Елбасы Нұрсұлтан Назарбаевтың қатысуымен еліміздің Бас шыршасының шамдары жағылды. Атап айтқанда, Бас шыршамен қатар Астанадағы отыз жаңа жылдық шыршаның шамдары бір сәтте жарқырады.

Бүгінгі шара аясында бас шыршаның маңында жаңа жылдық билер мен әндер орындалды. Таратылған мәліметтерге қарағанда шыршаның маңында 3 мыңға жуық балалар мен ересектер жиналып, олар Аяз ата мен Ақшақардың, сонымен қатар келесі жылдың символы ұлу, «мүшел» жас циклын білдіретін 48 киіпкер сондай-ақ 96 ертегі кейіпкерлерінің театрландырылған көрінісін тамашалады. Айта кетейік, бас шыршаның биіктігі 25 метр. Ол 2000 нан астам ойыншық, 925 стробоскоп, 240 жарық диодтары, сонымен қатар 400 метрге жуық жылтырақтар мен гирляндалармен безендірілген.

Соңғы жаңалықтар
telegram