ЕЛБАСЫ СЫНЫ РАСТАЛДЫ: «Бизнестің жол картасы - 2020» бағдарламасына сәйкес БҚО-ның Жәнібек ауданында 2014 жылы 239,5 млн. теңге қаражат бөлу қажеттілігі есептелініп отыр

ОРАЛ. 12 қараша. ҚазАқпарат - Елбасы Нұрсұлтан Назарбаев Үкіметтің кеңейтілген отырысында «Бизнестің жол картасы - 2020» бағдарламасы бойынша 43 аудан мен облыстық маңызы бар қалалардың бірде-бір жобаны қолға алмағандығын сынға алған болатын. Бұл ретте БҚО-да бес аудан сын тезіне алынса, соның бірі - Жәнібек.

Аудандық кәсіпкерлік, ауыл шаруашылығы және ветеринария бөлімінің бас маманы Наталья Сажина бұл ретте кәсіпкерлікті қолдау жөніндегі жедел топ құрылып, биылдың өзінде 162 адамды қамтып, түсінік жұмыстарын жүргізгендігін жеткізді. Кәсіпкерлікті қолдау жөнін­дегі жедел топ жұмысын аяқтаған соң ауданда кәсіпкерлікті дамыту инфрақұрылымының қыр-сырын толық қамтыған «Кәсіп­кер­лікті дамытудың 2013-2015 жылдарға арналған картасы» жа­салған. Картаға сәйкес ауданға 2014 жылы 239,5 миллион, ал 2015 жылға 250 миллион теңгенің қажеттілігі есептелініп отыр.

Кәсіп­керлікті қолдау аясында білікті мамандар кәсіп­керлерге сервистік қызмет түр­лерін көрсетіп, кәсіпкерлік қыз­метті тиімді әрі сауатты жүргізу мақсатында өз бизнесін құру, бизнес идеяның келешегін тал­дау, кәсіпкерліктегі маркетинг, қыз­меткерлерді басқару, кәсіпкер­ліктің заңды тетіктері, тағы да басқа бағыттар бойынша тегін кеңес берген. Мысалы, кәсіпкерлікті қолдауға ар­нал­ған бағдарламаларды ауыл­­дық округтер тұрғындарына тү­сін­­діру, насихаттау шараларына «Даму» кәсіпкерлікті қол­дау қоры» АҚ БҚО бойынша өңірлік филиалының өкілдері атсалысқан. Аталған қордың жылына екі рет ұйымдастырып өткізілетін екі күндік семинар-курсына 33 тыңдаушы қатысып, тегін кеңес­тер алған. Сондай-ақ биыл мау­сым айында «Назарбаев уни­вер­ситеті» АҚ базасында 4 кәсіп­кер «Бизнестің жол картасы -2020» бағдарламасының төртінші бағыты - кәсіпкерлік мүмкіндікті арт­тыру бойынша үш күндік бизнес-курсқа қатысып, білімін же­тілдірген. Сол сияқты аталмыш бағдарламаның жаңа бизнес-бастамаларды қолдау жөніндегі бі­рінші бағытына сай аудандағы 4 кәсіпкер тағамдық азықтар өндіру (пиццерия, шағын наубайхана), сәулет және компьютерлік қызмет бойынша грант алу үшін облыстық конкурсқа қатысып, өте алмаған. Ал бағдарламаның осы бағыты бойынша үш шаруа қожалығы өздерінің шаруашы­лық­тарында электр желілерін өткізу және жол төсеп салу жұмыстарын жүргізеді деп жоспарлауда.

Ауданның табиғат-климаттық жағдайын есепке алғанда кәсіп­керліктің мал шаруашылығы, құс өсірушілік бағыттары, сондай-ақ ауыл шаруашылығы өнімдерін өң­­деу, азық-түлік тағамдарын өн­ді­ру және басқа өндіріс салала­рын дамытуға мүмкіндік бар. Алай­да ауылдық жерде несие алу үшін кепілге қоятын жылжымайтын мүлік өте төмен бағаланады. Мә­селен, құны 1,5-2 миллион теңге тұратын үй 0,7-1,0 миллион теңге­ге бағаланады. «Жұмыс­пен қамту - 2020» бағдарлама­сы арқылы 3 миллион теңгеге дейін несие алуға болады. Бірақ жыл­жы­май­тын мүліктің төмен ба­ға­ла­нуына берілетін қаржы мөл­шері кәсіпкерлікпен айналысамын деген тұрғындардың мүм­кін­дігін шектеуде. Сондай-ақ екінші деңгейлі банктердің ауылдық жердегі жылжымайтын мүліктер­ді облыс орталығынан шалғай жат­қандығымен байланыстырып, кепілдікке алмауы да қиындықтың бірі болып табылады. Сонымен бірге несиені рәсімдеу кезінде тиісті ресми құжаттардан басқа қосым­ша көптеген түрлі анықтамалар мен құжаттарды талап ету де несие алудағы басты кедергілер болуда.