Елбасы жас суретшіге шығармашылыққа арналған топтама сыйлады

АСТАНА. ҚазАқпарат - Мемлекет басшысы Қазпоштаның «Аяз атаға хат жаз» жобасын қолдады. Оның аясында кез келген адам таңдаған хатын алып, бала арманын орындай алды.

Бұл туралы ҚР Президентінің баспасөз хатшысы Дәурен Абаев Ақороданың Facebook-гі парақшасында жазды.

«Нұрсұлтан Назарбаев батысқазақстандық В.Харлашинаға шығармашылыққа арналған «Doh Vinci» жиынтығы мен жас суретшілер энциклопедиясын сыйлады, ал Солтүстік Қазақстан облысындағы отбасылық үлгідегі интернат үйінің тәрбиеленушілеріне музыкалық орталық пен қазақ жазушылары кітаптарының жинағын тарту етті»,- деп атап өткен ҚР Президентінің баспасөз хатшысы.