Елбасы Жолдауы жас ғалымдарды қанаттандырып отыр - С.Ғиззатов

ОРАЛ. 7 ақпан. ҚазАқпарат /Елжан Ералы/ - ҚР Президенті Нұрсұлтан Назарбаевтың Қа­зақстан халқына арнаған биылғы «Болашақтың іргесін бірге қалаймыз» атты Жолдауының бір парасы елдің білім саласына арналды.

Әрбір қазақстандықтар үшін ғұмырлық білім алу жеке мақсат болу керектігінің баса айтылғандығы, кәсіптік және тех­никалық білімнің мазмұнын түбегей­лі жаңарту көзделгендігі, білім беру саласында жоғары оқу орындарының инновациялық қызметке көшуі, мемлекеттен бонустық пайыздар алу арқылы балалардың білім алуына жағдай жасау көзделгендігі көңілімнен шықты. «Облыстық жас ғалымдар кеңесі» қоғамдық бірелстігінің төрағасы, тарих ғылымдарының кандидаты Саялбек Ғиззатов өз пікірін осылайша білдірді.

Оның мәлімдеуінше, бұл қамқорлықтың барлығы қазақ жастарының сапалы білімге қол жеткізуі үшін аса маңызды. Сондай-ақ Елбасы жарқын бола­шақ­­тағы басты мәселе әлеуметтік жа­ңару екенін баса айтты. «Әсіресе, мені мемлекеттің жаңа әлеуметтік сая­сатының бірінші кезекте халықтың тұрмыс жағдайын жақсартуға бағыт­тал­ғандығы қуантты. Н.Назарбаев білім мен ғылым саласына соны серпіліс әкелер тапсырмаларды да жүктеді. Елбасы бі­лім беру сапасын арттыру мақса­тын­да біліктілікті арттыру институттары мен ғылыми-зерттеу институттарын мейлінше жетілдіруді міндеттеді. Облыстың жас ғалымдарын осы бастама қанаттандырып отыр», - деді С.Ғиззатов.