Елбасының Қостанай облысына жұмыс сапары жалғасуда
Бүгін Мемлекет басшысы облыстың Меңдіқара ауданындағы Первомайское селосында болып, «Раскуль» жауапкершілігі шектеулі серіктестігінің егіс алқаптарын аралайды. Н.Назарбаев аймақ дихандарымен кеңес өткізеді деп пайымдалуда. Одан кейін «Қазақтелеком» АҚ-ның байланыс операторы Елбасының қатысуымен компанияның жаңа қызметі - Интернетке қосылудың Megaline Mobile 3G қызметінің таныстырылымын өткізеді.
Қостанай облысы - еліміздің агроөнеркәсіптік кешенінде стратегиялық маңызға ие аймақ. 2010 жылдың бірінші жартыжылдығында облыс 244,8 миллиард теңгенің өнеркәсіптік өнімін өндірді, ал негізгі капиталға салынған инвестиция көлемі 70 миллиардтай теңгені шамалады. Облыста сондай-ақ, 27 мыңнан астам шағын және орта бизнес субъекті жұмыс істейді. ал ағымдағы жылы аймақ 3,4 миллион тонна астық жинауды жоспарлап отыр.