Елде 6,5 млн тонна астық бастырылды

АСТАНА. KAZINFORM – Егін жинау науқаны қарқынды жүргізіліп жатыр. Бүгінгі күнге дейін 4,6 млн гектар дәнді дақылдар жиналып, бұл жалпы егіс алқабының 28,5%-ын құрады. Бұл туралы АШМ баспасөз қызметі хабарлады. 

Бастырылған астық көлемі 6,5 млн тонна.

Дәнді дақылдардан бөлек, ауыл шаруашылығы тауарын өндірушілер 131 мың тонна майлы дақылдар, 778,1 мың тонна картоп (өнімділігі 238,6 ц/га), 2 млн тоннадан астам көкөніс (өнімділігі 290,3 ц/га), 2,1 млн тонна бақша дақылдарын (өнімділігі 274,7 ц/га) жинады.

Сонымен қатар 347,4 мың тонна қырыққабат (өнімділігі 370,2 ц/га), 418 мың тонна пияз (өнімділігі 396,5 ц/га), 129,3 мың тонна сәбіз (өнімділігі 311,3 ц/га) жиналды.

Егін жинау науқаны ұйымдасқан түрде және оңтайлы агротехникалық мерзімде жүргізіліп жатыр. 

Айта кетелік Қызылорда облысында күріш жинау науқаны басталды.