Елде жүзім қанша тұрады
АСТАНА. KAZINFORM – Биыл күзде Қазақстанда жүзім бағасында сұрпына қарай өңірде әртүрлі бағада сатылып жатыр. Ең ірі қалалар бойынша деректерге сәйкес, танымал жемістің келісі 500 теңгеден 2800 теңгеге дейін өзгереді, деп хабарлайды Kazinform тілшісі.
Жүзімнің құны бойынша өңірлерде бес есеге дейін айырмашылық бар. Ең арзан баға дәстүрлі түрде жеткізушілерге жақын орналасқан оңтүстік аймақтарда. Мұнда жеміс тезірек сөрелерге түсіп, тұтынушы үшін арзанырақ болады.
Ал солтүстік пен батыс өңірлерде ең қымбат баға тіркеліп отыр. Мұнда логистика, негізгі жеткізушілерден қашықтық қана емес, сонымен қатар сұраныс та әсер етеді: өз бақшасы аз өңірлерде жүзім көбіне премиум өнім ретінде қабылданады.
«Дамский пальчик»
Жүзімнің бұл түрі әрқашан ең сұранысқа ие. Алайда оның қолжетімділігі аймаққа байланысты қатты өзгереді.
Ең төменгі баға – Қызылордада, мұнда келісі небәрі 800 теңге.
Ең жоғарғысы – бірден екі қалада: Шымкент пен Ақтауда келісі 2500 теңге.
Ел бойынша орташа баға – 1415 теңге/кг.
Оңтүстік және орталық аймақтарда: Алматы, Қарағанды, Жезқазған, Тараз қалаларында баға 1000–1300 теңге аралығында. Батыста – Атырау, Ақтауда жүзім әлдеқайда қымбат, ал солтүстікте – Петропавл мен Көкшетауда ең жоғары көрсеткіш тіркелген.
«Кишмиш»
Тағы бір танымал сорт – кишмиш. Оның бағасы одан да құбылып тұр.
Ең арзан баға – Қызылордада, мұнда келісі 500 теңге.
Ең қымбаты – Көкшетауда, мұнда килограмы 2800 теңгеге дейін жетеді.
Ел бойынша орташа баға – 1267 теңге/кг.
Оңтүстікте: Алматы, Түркістан, Тараз қалаларында баға 800–1000 теңге шамасында болып, көпшілік үшін қолжетімді. Ал солтүстік пен батыста құны екі-үш есеге қымбат.
Екі сорттың орташа құнын есептегенде жағдай мынадай:
Ең арзан баға – Қызылордада (650 тг/кг).
Ең қымбат баға – Көкшетауда (2400 тг/кг).
Оңтүстік және орталықта – Алматы, Қарағанды, Жезқазған, Тараз, Түркістанда жүзімнің бағасы 900–1200 теңге аралығында.
Батыста – Атырау, Ақтауда, ал солтүстікте – Көкшетау, Петропавл, Өскемен, Семейде баға 1450–2400 теңге деңгейінде.
Еске салсақ Қазақстанда кәді мен баялды қанша тұратыны туралы жазған едік.
