Елена Рыбакина WTA 1000 турнирінің ширек финалына шықты

АСТАНА. KAZINFORM - Елена Рыбакина (7 WTA) Дубайда өтіп жатқан WTA 1000 турнирінің үшінші айналымында Испания өкілі Паула Бадосадан (10 WTA) басым түсті.

25 жастағы қазақстандық спортшы 4:6, 7:6 (10:8), 7:6 (7:2) есебімен жеңіске жетті. Екінші сеттегі тай-брейкте Елена 3:6 есебімен жеңіліп жатқан. Алайда төрт матч-болда басым түсіп, 10:8 есебімен жеңіп кетті. Қарсыластардың өзара кездесулеріндегі есеп 4:4 болды.

Ертең Рыбакина америкалық София Кенинмен күш сынасады. Ол осы турнирдің өткен жылғы чемпионы италиялық Жасмин Паолиниді жеңген еді.

Осыған дейін қазақстандық 14 жастағы теннисші Барселонадағы турнирде топ жарғанын жаздық.