Еліміз бойынша ОҚО жеңіл өнеркәсібі көш басында

ШЫМКЕНТ. ҚазАқпарат - Отандық өнеркәсiп бiрте-бiрте аяғына тұра бастады. Оның бiр дәлелi - Қазақстанның жеңiл өнеркәсiбi. Мәселен, елiмiздiң жеңiл өнеркәсiбi саласы бойынша өндiрiлген өнiм көлемi 2008-2014 жылдар аралығында 2,4 есе артқан.

Ал, еңбек өнiмдiлiгi бiр жарым есе, негiзгi капиталға салынған инвестициялар көлемi 6,8 есе көбейген. Айта кетерлiгi, Қазақстанның жеңiл өнеркәсiбiнде Оңтүстiк Қазақстан облысы көш бастап тұр, деп хабарлайды ОҚО әкімінің баспасөз қызметі. Бұл салаға берiк негiз қалаған «Оңтүстiк» айрықша экономикалық аймағы болды. Бүгiнде бұл аймақта жалпы мөлшерi 89,3 млрд. теңгенi құрайтын 10-нан астам әртүрлi жоба iске асырылу сатысында. Осы аймақты түгелдей басқаруды қолға алуға Түркияның бизнес өкiлдерi зор қызығушылық танытып отыр. Алдағы бесжылдықта елiмiздiң жеңiлөнеркәсiпшiлерiнiң алдында қандай мiндеттер тұр десек, ең алдымен, әлемдiк деңгейдегi киiмдердiң қазақстандық брендi жасалатын болады. Тiгiн саласының дайын өнiмдерi экспорты үш есеге артады. Тiгiн өнеркәсiбi өз өнiмдерiн де үш есеге дейiн көбейтпек. Осы жұмыстардың нәтижесiнде 1400 жаңа жұмыс орны құрылады. Және де киiм-кешекке деген iшкi сұраныс толық қамтамасыз етiлмек. Мiне, мұның бәрi де елiмiздiң қазiргiдей экономикалық қарқынды дамуы жағдайында толық қолдан келетiнiне сенiм мол.