11:15, 13 Ақпан 2023 | GMT +6
Елімізде бір аптада 3 мыңға жуық қылмыс тіркелді -ІІМ
АСТАНА. ҚазАқпарат – Полицейлер қылмыстардың басым бөлігін тәулік ішінде ашты. Бұл туралы ҚР Ішкі істер министрлігінің өкілі Шұғыла Тұрлыбек мәлім етті, деп хабарлайды ҚазАқпарат тілшісі.
«Бір апта ішінде 2907 қылмыс тіркелді. Оның 1818-і тәулік ішінде ашылды», - деді Ш. Тұрлыбек министрліктің кезекті брифингінде.
Оның айтуынша, полиция қызметкерлері ізін суытпай 8 кісі өлтіру, 1 өлімге әкеп соққан денсаулыққа қасақана ауыр зиян келтіру, 31 тонау және 407 мүлікті ұрлау қылмыстарын ашты.
Айта кетейік, бүгінгі брифингіде Anti-fraud жедел-алдын алу іс-шарасы аясында үш күнде полицейлер 150-ден астам киберқылмыстың бетін ашқаны жарияланды.
Сонымен қатар, елімізде шетелдік көлікті заңдастыру аясында 61 мың өтінім мақұлданды.