Елімізде сейсмикалық қауіп жағдайларын болжайтын жаңа ғылыми орталық құрылады
«Заңнамада белгіленген тәртіппен «Сейсмология институты» ЖШС мен «Сейсмологиялық тәжірибелік-әдістемелік экспедиция» ЖШС біріктіру жолымен жарғылық капиталында мемлекеттің 100 пайыз қатысуымен «Сейсмологиялық бақылаулар мен зерттеулер ұлттық ғылыми орталығы» жауапкершілігі шектеулі серіктестігі болып қайта құрылсын», - делінген «Мемлекеттік меншіктің кейбір мәселелері туралы» Үкімет қаулысында.
Жаңа ұлттық ғылыми орталықтың негізгі қызмет бағыттары - күшті жер сілкіністерін ғылыми болжау, ірі елді мекендер мен стратегиялық объектілерде сейсмикалық қауіпті бағалау, сондай-ақ ел аумағында сейсмикалық қауіпті аймақтарында кешенді сейсмологиялық мониторинг жүргізу.
Үкіметтің баспасөз қызметінен мәлімдегендей, аталған қаулы 2022 жылы 21 желтоқсанда қолданысқа енгізілген.
Фото: media.realitatea.net