Еліміздегі барлық әкімдіктер тәртіп сақшыларының бақылауына өтті
НҰР-СҰЛТАН. ҚазАқпарат - Еліміздегі барлық әкімдік ғимараттары тәртіп сақшыларының бақылауына өтті, деп хабарлайды Қазақпарат ҚР ІІМ баспасөз қызметіне сілтеме жасап.
«Төтенше жағдай режимі аясында республиканың барлық аумағында іс-шаралар жүргізілуде. Барлық әкімдіктер босатылып, күшейтілген қорғауға алынды» делінген хабарлама.
Айта кетейік, елімізде тәулік бойы жұмыс істейтін 70 бақылау-өткізу бекеті бар.
Қазіргі сәтке дейін 26 қарулы қылмыскер жойылып, 18-і жараланды.
Алматыда Қоғамдық тәртіпті, стратегиялық маңызы бар объектілерді қорғауды, көшелерді тазалауды құқық қорғау органдарының күштері, қарулы және оларға қарасты күштер жүзеге асырады.
