Эллисон әлемдік миллиардерлер тізімінде 2-орынға көтерілді

АСТАНА. KAZINFORM – Америкалық Oracle компаниясының негізін қалаушылардың бірі, 80 жастағы Ларри Эллисон Марк Цукербергті (Meta) басып озып, әлемдегі миллиардерлер тізімінде екінші орынға көтерілді, деп хабарлайды Bloomberg.

Эллисонның байлығы 251,2 миллиард долларға бағаланған. Ал Tesla-ның бас директоры Илон Маск 358 миллиард доллар байлығымен бірінші орында тұр.

Ларри Эллисонның миллиардерлер тізіміне көтерілуі жасанды интеллект технологияларының танымалдылығының артуына байланысты болып тұр. Oracle акциялары «жасанды интеллект құмарлығының» негізгі бенефициарларының біріне айналды және олардың құны үш есеге жуық өсті. Кейінгі айларда Oracle бұлтты есептеулер бойынша ірі келісімшарттарды қамтамасыз етті. Оның негізгі тұтынушыларының бірі OpenAI болды.

Эллисон Oracle акцияларының шамамен 35,4%-ын иеленеді. Сонымен қатар ол 2018 жылы Tesla-ның 3 миллион акциясын сатып алып, компаниядағы үлесін 2020 жылы 2%-ға жеткізді. Ол 2018 жылы компанияның директорлар кеңесіне тағайындалды. 

Еске сала кетейік, Швеция жаһандық долларлық миллионерлер рейтингінде позициясын жоғалтып келеді.