Елімізде апта ішінде болған кадрлық тағайындаулар
АСТАНА. KAZINFORM – Осы аптада елімізде негізінен жергілікті атқарушы органдарда кадрлық ауыс-түйістер болды. Аудан әкімдері, облыстық әкімдіктердің басқарма басшылары тағайындалды.
Министрлік деңгейдегі ауыс-түйістен тек жаңа Ұлттық экономика министрінің тағайындалуы болды.
Спорт саласында футбол, көркем гимнастика федерацияларының жаңа басшылары анықталды.
Атап өтерлік жайт, Қазақстанның микроқаржы омбудсмені сайланды.
Осы қатарлас кадрлық өзгерістерге жасалған Kazinform шолуын оқырман назарына ұсынамыз.
***
Аптаның бірінші күні 16 желтоқсан – Тәуелсіздік күніне орай демалыс болды. Дейтұрғанмен бұл күні 15 желтоқсанда өткен Талғар әкімі сайлауының қорытындысы шығарылып, қаланың жаңа басшысы анықталды.
Дауыс беру нәтижесінде бұл қызметті Арыстанбек Әбілқайырұлы атқаратын болды.
Талғар аудандық аумақтық сайлау комиссиясының мәліметінше, Арыстанбек Әбілқайырұлына 9071 сайлаушы дауыс берген.
Сайлаушылар тізіміне барлығы 42 774 адам енгізілді, оның 12 875-і дауыс берді.
Қала әкімі лауазымына үміткер Жәнібек Кәденов 1 875, Әлібек Рамазанов 1 140 дауыс жинады. 182 сайлаушы барлығына қарсы дауыс берді.
Ақтөбе облысы Темір ауданының әкімі қызметіне Алмас Жақсылықов тағайындалды.
Алмас Жақсылықов 1999 жылы Қазақ мемлекеттік басқару академиясын «Еңбек ресурстарын басқару», 2019 жылы Қайнар академиясын «Құқықтану» мамандықтары бойынша тәмамдаған.
Еңбек жолын 2000 жылы «Көмірбанк» ААҚ Алматы қаласындағы филиалының қауіпсіздік қызметінің қызметкері болып бастаған. 2004 – 2009 жылдары аралығында Ақтөбе облыстық көліктік инфрақұрлымды дамыту басқармасының, Темір аудандық құрылыс бөлімінің жетекші маманы болды.
Ал 2009 – 2013 жылдары аралығында «Тазалық», «Шұбар-құдық», «Шұбарқұдық-жылу» коммуналдық мемлекеттік мекемелерінің және «Centrum Kazakhstan» ЖШС директоры лауазымдарында қызмет етті.
2013 – 2018 жылдары Шұбарқұдық ауылдық округі әкімі аппаратының бас маманы, Темір ауданы «Жастармен жұмыс бойынша ресурстық орталығының басшысы, Темір аудандық тұрғын үй-коммуналдық шаруашылығы, жолаушылар көлігі және автомобиль жолдары бөлімінің басшысы болды.
2018 – 2023 жылдары Хромтау қаласының әкімі, Ақтөбе қаласының «Астана» ауданы әкімінің орынбасары болып жұмыс істеді.
2023 жылдың қазан айынан бастап Ақтөбе қаласының «Астана» ауданының әкімі қызметін атқарып келді.
Қызылорда облыстық кәсіпкерлік және өнеркәсіп басқармасының басшысы қызметіне Әбілхаиров Дәурен Тұрғанбайұлы тағайындалды.
Дәурен Әбілхаиров 1979 жылы Қызылорда облысы, Сырдария ауданында дүниеге келген. Ресей Федерациясы Уфа мемлекеттік мұнай-техникалық университетін «инженер», Қорқыт ата атындағы Қызылорда университетін «Экономика» мамандықтары бойынша бітірген.
Башқұртстан Республикасы Ғылым Академиясы энергоресурстарды тасымалдау проблемалары институтының аспиранты. Техника ғылымдарының кандидаты.
Еңбек жолын 2002 жылы «Торғай-Петролеум» АҚ мұнай-газ өндіру цехының операторы ретінде бастап, әр жылдары кәсіпорында түрлі жауапты қызметтер атқарған.
2014-2016 жылдары «Саутс-Ойл» ЖШС-де, Инвестициялар және даму министрлігі Геология және жер қойнауын пайдалану комитетінің өңірлік департаментінде бөлім басшысы болып еңбек еткен.
2019-2023 жылдары Энергетика министрлігінде, «Торғай-Петролеум» АҚ-да басшылық лауазымдарда болған.
2023 жылдан 2024 жылдың қазанына дейін «Торғай-Петролеум» АҚ бас директоры қызметін атқарып келді.
Жамбыл облыстық жер ресурстарын басқару департаментінің басшысы лауазымына Серікбаев Қанатбек Қуанышұлы тағайындалды.
Қанатбек Қуанышұлы 1978 жылы 20 қазанда Қызылорда қаласында дүниеге келген. 2 жоғары білімі бар: 2000 жылы Қорқыт ата атындағы Қызылорда мемлекеттік университетін Мұнай және газ кәсіпшілігінің машиналары мен жабдықтары мамандығы бойынша; 2012 жылы жерге орналастыру мамандығы бойынша бітірген.
Еңбек жолын 2000 жылы Қызылорда қаласы, «Оңтүстікмұнайгаз» ААҚ моторист шәкірті, 3-разрядты моторист ретінде бастаған.
2001-2002 жылдары Қызылорда қаласы «Нұр-Серік» ЖШС менеджері.
2002-2003 жылдары Қызылорда қаласының «Казкоммерцбанк» ААҚ механигі.
2004-2006 жылдары ҚР Жер ресурстарын басқару агенттігінің Қызылорда облыстық жер ресурстарын басқару комитетінің жетекші маманы.
2006-2008 жылдары ҚР Жер ресурстарын басқару агенттігінің Қызылорда облыстық аумақтық жер ресурстарын басқару комитетінің бас маманы.
2008-2012 жылдары ҚР Жер ресурстарын басқару Агенттігінің Жамбыл, Қызылорда және Оңтүстік Қазақстан облыстары бойынша Өңіраралық жер инспекциясының бас маманы.
2012-2013 жж. ҚР Жер ресурстарын басқару агенттігінің Қызылорда облысы бойынша аумақтық жер бөлімінің бөлім басшысы.
2013-2015 жылдары ҚР Өңірлік даму министрлігі Жер ресурстарын басқару комитетінің Қызылорда облысы бойынша аумақтық жер инспекциясы бөлімінің бөлім басшысы.
2015-2016 жылдары Қызылорда облысының жерді пайдалану мен қорғауды бақылау басқармасы бөлімінің басшысы.
2016-2022 жылдары Қызылорда облысының жерді пайдалану мен қорғауды бақылау басқармасы басшысының орынбасары мемлекеттік инспекторы.
2022 жылдың 11 сәуірінен бастап Қызылорда облысының Жер ресурстарын басқару департаменті басшысының орынбасары қызметіне тағайындалды.
Атырау облысының әкімі Серік Шәпкеновтің өкімімен ҚР Президенті Әкімшілігі және аудандық мәслихаттың келісімімен Индер ауданының әкімі лауазымына Серік Нысанбаев тағайындалды.
Серік Бағытжанұлы 1980 жылы Атырау облысында дүниеге келген. Х.Досмұхамедов атындағы Атырау мемлекеттік университетін «құқықтану» мамандығымен бітірген.
Еңбек жолын 2003 жылы Атырау қаласы әкімінің аппараты мемлекеттік-құқықтық және әскери жұмылдыру жұмыс бөлімінің бас маманы болып бастаған.
2008-2017 жылдары Атырау қалалық әкімі аппараты мемлекеттік-құқықтық жұмыс бөлімінің, 2017-2022 жылдары аралығында Атырау қаласы әкімі аппаратының басшысы болған.
Ал 2022 жылдан осы тағайындауға дейін Атырау қаласы әкімінің орынбасары лауазымын атқарып келді.
Ербол Жүсіпбеков Ақмола облысы Жарқайың ауданының әкімі болып тағайындалды.
Жүсіпбеков Ербол Кәрімұлы 1965 жылы Көкшетау қаласының Красный яр ауылында дүниеге келген.
Целиноград ауылшаруашылық институтын бітірген.
Еңбек жолын 1989 жылы Көкшетау облысы Чистополь ауданы «Чистопольский» совхозында зоотехник-селекционер болып бастаған. Әр жылдары Көкшетау жылқы зауыты директорының өндіріс жөніндегі орынбасары, «Шоқан» шаруа қожалығының басшысы болып жұмыс істеді.
2003-2009 жылдары Зеренді ауданының Садовое ауылдық округінің әкімі, аудандық ауыл шаруашылығы және жер қатынастары бөлімінің бастығы болды. 2009-2011 жылдары Зеренді ауданында «Қылшақты» ЖШС директоры болып жұмыс істеді.
2011-2020 жылдары Зеренді ауылдық округінің әкімі, аудандық ауыл шаруашылығы бөлімінің бастығы, Зеренді ауданы әкімінің орынбасары қызметтерін атқарды.
2020-2021 жылдары Ақмола облысы Ауыл шаруашылығы басқармасы басшысының орынбасары лауазымында қызмет етті.
2021 жылдың ақпан айынан бастап Сандықтау ауданының әкімі болды.
Данияр Құттыбайұлы Өтепов Жамбыл облысы жер қатынастары басқармасының басшысы болып тағайындалды.
Данияр Құттыбайұлы 1978 жылы Шу ауданында дүниеге келген. Білімі жоғары. 2000 жылы М. Х. Дулати атындағы Тараз университетін, 2002 жылы «Әулие-Ата» университетін «жер кадастры», «құқықтану» мамандықтары бойынша бітірген.
Еңбек жолын 2000 жылы Тараз қаласындағы ҚР жер ресурстарын басқару агенттігінің Жамбыл еншілес мемлекеттік кәсіпорнының инженер жерге орналастырушысы болып бастаған.
2002-2006 жылдары Шу аудандық жер ресурстарын бақылау комитетінің жетекші маманы, бас маманы, 2006-2007 жылдары Шу ауданы әкімдігінің жер қатынастары бөлімінің бас маманы, 2007 жылы Жамбыл ауданы әкімдігінің жер қатынастары бөлімінің бас маманы, 2007-2012 жылдары Жамбыл облысы әкімдігінің жер қатынастары басқармасының бас маманы, 2012 жылы жер ресурстарын басқару агенттігінің бас сарапшысы, 2012-2013 жылдары Жамбыл облысы әкімдігінің жер қатынастары басқармасының бас маманы, 2013-2020 жылдары Шу ауданы әкімдігінің жер қатынастары бөлімінің басшысы, 2020-2021 жылдары Жамбыл облысы әкімдігінің жерлерді пайдалану және қорғалуын бақылау басқармасының бас маманы-мемлекеттік инспекторы, бөлім басшысы, 2022-2024 жылдары ҚР АШМ Жер ресурстарын басқару комитетінің Жамбыл облысы бойынша жер ресурстарын басқару департаментінің бас маманы-мемлекеттік инспекторы, бөлім басшысы-мемлекеттік инспекторы қызметтерін атқарған.
2024 жылдың ақпан айынан бастап бүгінге дейін ҚР АШМ Жер ресурстарын басқару комитетінің Жамбыл облысы бойынша жер ресурстарын басқару департаментінің бас маманы лауазымында қызмет атқарып келді.
Шығыс Қазақстан облысы сауда және тұтынушылар құқықтарын қорғау департаментінің басшысы болып Асхат Сағидолдин тағайындалды.
Асхат Сағидолдин 1979 жылы дүниеге келген. С.Аманжолов атындағы Шығыс Қазақстан университетінің түлегі. 2000-2004 жылдар аралығында білім саласында жұмыс істеген.
2004-2011 жылдары ішкі істер органдарында қызмет етті.
2011-2014 жылдары - Шығыс Қазақстан облысы әкімі аппаратының құқық қорғау органдарымен жұмыс бөлімінің бас маманы;
2014-2015 жылдары - Шығыс Қазақстан облысы әкімі аппаратының ұйымдастыру-инспекторлық бөлімінің бас маманы;
2015-2017 жылдары - Шығыс Қазақстан облысы әкімі аппаратының құқық қорғау органдарымен жұмыс бөлімінің басшысы;
2017 жылы Шығыс Қазақстан облысы әкімі аппаратының терроризмге қарсы күрес жөніндегі комиссиясының қызметін қамтамасыз ету және құқық қорғау органдарымен жұмыс істеу бөлімінің басшысы;
2017-2018 жылдары - Шығыс Қазақстан облысы әкімі аппаратының терроризмге қарсы күрес жөніндегі комиссиясының қызметін қамтамасыз ету және құқық қорғау органдарымен жұмыс істеу бөлімінің бас инспекторы;
2018-2021 жылдары - Риддер қаласы әкімі аппаратының басшысы;
2021-2022 жылдары - Риддер қалалық ішкі саясат бөлімінің басшысы;
2023 жылдан осы уақытқа дейін Абай облысының сауда және тұтынушылардың құқықтарын қорғау департаментінің басшысы болып жұмыс істеген.
Назгүл Қарасқызы Естеусізова микроқаржы омбудсмені болып сайланды.
Назгүл Қарасқызы Естеусізова - жоғары экономикалық және заңгерлік білімі бар, заң ғылымдарының магистрі. Банк саласында жұмыс тәжірибесі бар.
Микроқаржы омбудсмені болып сайланғанға дейін ол Қазақстанның Ұлттық коллекторлар палатасының төрағасы қызметін атқарған.
Омбудсменге микроқаржы ұйымдары клиенттерінің құқықтарын қорғауды және қарыз алушылар мен микроқаржы ұйымдары, коллекторлық агенттіктер арасындағы дауларды шешуге көмектесу міндеті жүктелген.
Микроқаржы омбудсмені институты Мемлекет басшысы 2024 жылдың 19 маусымында қол қойған «Қазақстан Республикасының кейбір заңнамалық актілеріне кредит беру кезінде тәуекелдерді барынша азайту, қарыз алушылардың құқықтарын қорғау, қаржы нарығын реттеуді және атқарушылық іс жүргізуді жетілдіру мәселелері бойынша өзгерістер мен толықтырулар енгізу туралы» Заңды іске асыру мақсатында құрылған.
Микроқаржы омбудсмені Өкілдер кеңесі ұсынған және агенттікпен келісілген кандидаттар арасынан үш жыл мерзімге сайланады.
Микроқаржы омбудсменінің шешімі микроқаржы ұйымы мен коллекторлық агенттіктерге міндетті болып табылады. Микроқаржы омбудсменінің қызметтері тегін.
Микроқаржы омбудсмені көмегіне жүгінбес бұрын қарыз алушы өзінің несие берушісіне хабарласуы керек. Ол соттың қарауына қабылданған және/немесе заңды күшіне енген сот актісін, сондай-ақ іс бойынша жаңа мән-жайлар анықталмаған қайтадан жіберілген өтініштерді қарамайды.
Микроқаржы омбудсмені және онымен қалай байланысуға болатыны туралы толығырақ ақпаратты мына сілтеме арқылы алуға болады.
2024 жылдың 1 желтоқсанындағы жағдай бойынша Қазақстанда 220 микроқаржы ұйымы, 215 несие серіктестігі, 199 коллекторлық агенттік және 497 ломбард жұмыс істейді.
Серік Жұманғарин Қазақстан Республикасы Премьер-Министрінің орынбасары — Ұлттық экономика министрі болып тағайындалды. Ол бұрынғы атқарған лауазымынан босатылды.
Серік Мақашұлы Жұманғарин 1969 жылы Ақтөбе қаласында дүниеге келген.
Мәскеу Ленин орденді және Октябрь Революциясы орденді энергетикалық интитутын, Е.А. Бөкетов атындағы Қарағанды мемлекеттік университетін, Халықаралық бизнес академиясын тәмамдаған.
1993-2004 жылдары кәсіпкерлікпен айналысқан.
2005-2006 жылдары — Ақтөбе қаласының Экономика және бюджеттік жоспарлау бөлімі бастығының орынбасары; Ақтөбе қаласы Кәсіпкерлік бөлімінің бастығы.
2006-2007 жылдары — ҚР Табиғи монополияларды реттеу агенттігінің Ақтөбе облысы бойынша басқармасы бастығының орынбасары.
2007-2008 жылдары — ҚР Табиғи монополияларды реттеу агенттігінің Ақтөбе облысы бойынша басқармасының бастығы; ҚР Табиғи монополияларды реттеу агенттігінің Ақтөбе облысы бойынша департаментінің директоры.
2008-2010 жылдары — ҚР Индустрия және сауда министрлігі Сауда комитеті төрағасының орынбасары, Сауданы дамыту департаментінің директоры; «Қазақстандық келісім-шарт агенттігі» АҚ басқарма төрағасының орынбасары.
2010-2011 жылдары — «NadLoc» жергілікті қамтуды дамыту ұлттық агенттігі» АҚ басқарма төрағасының орынбасары, бірінші орынбасары.
2012-2013 жылдары — ҚР Экономикалық даму және сауда министрлігі Өңірлік саясат және бюджетаралық қатынастар департаментінің директоры; ҚР Экономикалық даму және сауда министрлігі Өңірлік даму комитетінің төрағасы.
2013-2014 жылдары — ҚР өңірлік даму вице-министрі.
2014-2017 жылдары — ҚР Ұлттық экономика министрлігі Табиғи монополияларды реттеу және бәсекелестікті қорғау комитетінің төрағасы.
2017-2019 жылдары — ҚР ұлттық экономика вице-министрі.
2019-2020 жылдары — Еуразиялық экономикалық комиссияның Бәсекелестік және монополияға қарсы реттеу жөніндегі алқа мүшесі (министр).
2020-2022 жылдары — Бәсекелестікті қорғау және дамыту агенттігінің төрағасы.
2022-2023 жылдары — ҚР Премьер-Министрінің орынбасары – сауда және интеграция министрі.
2023 жылғы 2 қыркүйекте Қазақстан Республикасы Президентінің Жарлығымен ҚР Премьер-Министрінің орынбасары болып тағайындалды.
2024 жылғы 6 ақпанда Мемлекет басшысының Жарлығымен Қазақстан Республикасы Премьер-Министрінің орынбасары болып тағайындалды.
Спорт салсында да бір-екі тағайындау болды.
Марат Омаров Қазақстан футбол федерациясының жаңа президенті атанды.
Марат Талғатұлы Омаров 1988 жылы туған.
2010 жылы «Болашақ» бағдарламасы бойынша британдық Йорк университетін «философия, саясаттану, экономика» мамандығы бойынша, 2011 жылы әлеуметтік ғылымдар магистрі дәрежесі беріле отырып, Лондон экономика және саяси ғылымдар мектебін (LSE) бітірді.
2012-2014 жылдары — Экономикалық даму және сауда, кейіннен Экономика және бюджеттік жоспарлау, Ұлттық экономика министрінің кеңесшісі.
2014-2016 жылдары — ҚР Ұлттық экономика министрлігінің тарифтік және институционалдық саясатты қалыптастыру департаменті директорының орынбасары.
2016-2017 жылдары — «Қазақтелеком» АҚ-ның басқарушы директоры.
2017-2019 жылдары — «Технологиялық даму жөніндегі ұлттық агенттік» АҚ Басқарма төрағасы, трансформациядан кейін — «QazTech Ventures» АҚ Басқарма төрағасы («Бәйтерек «ҰБХ» АҚ құрылымына кіреді).
2019 жылдан бастап 2020 жылғы қазанға дейін — «Бәйтерек «ҰБХ» АҚ басқарушы директоры — Басқарма мүшесі. «Қазақстанның тұрғын үй құрылыс жинақ банкі» АҚ, «Қазына Капитал Менеджмент» АҚ, «Қазақстанның Даму Банкі» АҚ Директорлар кеңесінің мүшесі.
2020 жылғы қазаннан 2022 жылғы тамызға дейін — ҚР Бәсекелестікті қорғау және дамыту агенттігі төрағасының орынбасары лауазымына тағайындалды.
2022 жылғы 16 тамызда ҚР Бәсекелестікті қорғау және дамыту агенттігінің төрағасы лауазымына тағайындалды.
Әлия Юсупова Қазақстан гимнастика федерациясының басшысы қызметіне қайта сайланды.
Қазақстан гимнастика федерациясының есептік-сайлау конференциясы өтті. Күн тәртібіндегі басты мәселе спорт ұйымының президентін сайлау болды.
Конференция қатысушыларының бірауыздан қабылдаған шешімімен Әлия Юсупова федерация басшысы қызметіне төрт жылдық мерзімге қайта сайланды.
Еске сала кетейік, Әлия Юсупова 2021 жылы Қазақстан гимнастика федерациясының президенті қызметіне келген еді.
