17:53, 26 Шілде 2024 | GMT +5
Елімізде атом энергетикасында жұмыс істеуге қауқарлы қанша маман бар
АСТАНА. KAZINFORM — Еңбек және халықтың әлеуметтік қорғау министрлігі Kazinform сауалына жолдаған жауабында атом электр стансасының жұмысына маманданған адамдардың санын атады.
«2024 жылдың шілдесіндегі жағдай бойынша ядролық физика және атом электр стансасы қондырғыларын пайдаланумен, ядролық және термоядролық құрылғылармен байланысты мамандықтарда жұмыс істеп жүргендердің саны — 114 адам», - дейді ведомстводан.
Энерегтика министрлігі дерегінше, елімізде АЭС салынып жатса, оны басқаруға орта есеппен 2 мыңға жуық жоғары және орта арнаулы білімі бар кадр керек.
