Елімізде ауа райының қолайсыздығына байланысты қандай жолдар жабылды

АСТАНА. KAZINFORM – Ауа райының қолайсыздығына байланысты 7 республикалық жолда көлік қозғалысына шектеу енгізілді.

2025 жылғы 9 наурыз сағат 18:00 жағдай бойынша 4 облыстағы 7 республикалық маңызы бар автомобиль жолдарында көлік қозғалысына шектеу қойылды.

Абай облысы:

— «Алматы — Талдықорған — Өскемен — Шемонаиха — РФ шекарасы» автожолының 615-778 шақырым аралығы (Жетісу облысының шекарасы — Аягөз қ.).- «Таскескен — Бақты — ҚХР шекарасы» автожолы:

— 0-75 шақырым аралығы (Таскескен а. бұрылысы– Үржар а.).

— 75-187 шақырым аралығы (Үржар ауылынан ҚХР шекарасына дейін).

— «Қарағанды — Аягөз — Тарбағатай — Боғас» автожолының 707-941шақырым аралығы (Аягөз қаласынан Боғас ауылына дейін).

Жетісу облысы:

– «Алматы — Талдықорған — Өскемен — Шемонаиха — РФ шекарасы» автожолының 557-615 шақырым аралығы (Үшарал қаласынан Абай облысының шекарасына дейін).

— «Сарыөзек — Көктал» автожолының 40-68 шақырым аралығы (Алтын Емел асуы).

Қостанай облысы:

— «Жезқазған-Арқалық-Петропавл» автожолының 252-340 шақырым аралығы (Ұлытау облысы шекарасынан Арқалық қаласына дейін).

Ұлытау облысы:

— «Жезқазған-Арқалық-Петропавл» автожолының 137-252 шақырым аралығы (Ұлытау ауылынан Қостанай облысының шекарасына дейін).

Қазіргі таңда республикалық жолдарды күтіп-ұстауға 513 арнайы техника мен 876 маман жұмылдырылды.

Бұған дейін ауа райына байланысты 7 облыстағы республикалық жолдар жабылғанын хабарлаған едік.