Елорда оқушыларының жекелеген санаттары қоғамдық көліктерде жеңілдікпен жол жүре алады

АСТАНА. ҚазАқпарат - Астана оқушыларының жекелеген санаттарының қоғамдық көліктерде жеңілдікпен жол жүруі мәселесі бүгін қалалық мәслихаттың кезекті сессиясында қарастырылды, деп хабарлады қалалық әкімдіктің баспасөз қызметінен.

Астана қаласы әкімінің орынбасары Андрей Лукиннің тапсырмасымен осы мәселеге байланысты арнайы жұмыс тобы құрылған болатын. Жетім балалар мен ата-аналарының қамқорлығынсыз қалған балалар, әлеуметтік көмек алуға құқығы бар отбасылардан шыққан балалар, сондай-ақ, ай сайынғы табысы күнкөріс деңгейінен төмен отбасылардан шыққан балаларға қалалық жолаушылар көлігінде жеңілдікпен жүру құқығы беріледі. Еске салайық, 56-шы кезектен тыс сессияда қалалық мәслихат депутаттары елордалық бюджетке өзгерістер енгізген болатын. Сессия барысында елорданың 1-4 сынып оқушыларын тегін тамақтандырумен қамтамасыз ету үшін 1 млрд 93 млн теңге көлемінде қаражат бөлінді.