Елордада «Astana Futures» халықаралық турнирі басталды

АСТАНА. Қазанның 4-і. ҚазАқпарат - Бүгін елордада «Astana Futures» халықаралық турнирі басталды.

Бұл ақпаратты ҚР Теннис федерациясының баспасөз қызметінен хабарлады.

Федерацияның ақпаратына сәйкес, жастары 14-тен жоғары ерлер арасында өтетін турнир қазанның 9-на дейін жалғаспақ. Жарыс барысында Қазақстан, Ресей, Израиль, Корея, Бельгия, Норвегия, Франция, Беларус, Германия, Италия, Украина, Молдова және Нидерланды елінің теннисшілері 10 мың АҚШ долларын құрайтын жүлде қоры үшін бақ сынасады.

Турнирді Қазақстан Теннис федерациясы мен Қазақстан Теннис туры ұйымдастырып отыр.