Елордада бір аптада 1500 шаршы метр аумақта құрғақ шөп пен қамыс өртенді
«Осы аптаның ішінде 1 500 шаршы метрден асатын аумақта құрғақ шөп пен қамыстың өртенуі бойынша 6 оқиға тіркелді. Өткен жылы осындай 313 жағдай тіркелген еді. Орман және дала өрттерінің алдын алу мақсатында биыл Астана аумағында табиғи өртке қарсы іс-шаралар жоспары әзірленді. Қала шекарасының периметрінде 6 бағыт бойынша жылжымалы күзет бекеттері ұйымдастырылды», - деді Еркін Отарымғалиұлы Астана қалалық коммуникациялар қызметі алаңында өткен баспасөз мәслихатында.
Сондай-ақ, өрт бақылау басқармасының бастығы қауіпсіздік ережелерін тағы бір еске салды:
– кез келген ашық от көзімен жұмыс істегенде сақ болыңыз
- жеке орналасқан тұрғын үй маңындағы аумақтарды уақытылы тазалап тұру керек
- табиғат аясына шыққанда сіріңкені абайлап қолданып, темекі қалдығын тастамау керек.
- балалардың сіріңке және отпен ойнауына жол бермеңіздер
- аң аулау кезінде жанатын материалдарды қолданбау қажет
- ғимараттардың жанында от және қоқыс жағуға болмайды
- табиғат аясына демалысқа шыққанда жаққан өртті толық сөндіріп кету керек. Шала сөнген от өртке әкелуі мүмкін.
- шыны ыдысты және сынған әйнекті қалдырмаңыздар. Өрт басталған жағдайда болса сумен, ағаштың бұтағымен немесе құм себу арқылы сөндіруге тырысу қажет.