Елордада демалыс күндері ауыл шаруашылығы жәрмеңкесі өтеді

АСТАНА. KAZINFORM – Елордада кезекті қалалық ауыл шаруашылығы жәрмеңкесі 25 және 26 сәуір күндері өтеді, деп хабарлайды Астана әкімдігінің ресми сайты.

Жәрмеңкеде Қазақстанның түрлі өңірлерінен келген жергілікті фермерлер мен өндірушілердің өнімдері ұсынылады. Қала тұрғындары мен қонақтары көкөніс пен жеміс-жидек, ет, ұн және сүт өнімдерін, кондитерлік өнімдер, табиғи шырындар, тосаптар мен джемдер және басқа да тауарларды сатып ала алады.

Іс-шара 25-26 сәуір күндері сағат 10:00-ден 19:00-ге дейін Keryen Joly сауда орталығында өтеді.

Келушілердің ыңғайлылығы үшін жәрмеңке өтетін орынға жақын маңнан №7, 11, 39, 41, 45, 53, 59, 81, 307, 317 бағыттағы автобустар қатынайды.

Айта кетейік, бұған дейін хабарлағанымыздай, елордада өткен жәрмеңкеде ондаған компания бос жұмыс орындарын ұсынды.