12:16, 04 Тамыз 2025 | GMT +5
Елордада қазақ тілін тегін меңгеруге мүмкіндік бар
АСТАНА. KAZINFORM — Астанада қазақ тілін меңгеру бойынша тегін курс өтеді, деп хабарлайды елорда әкімдігінің ресми сайты.
Ересектерге арналған қазақ тілі курсына өтініштер 4-20 тамыз аралығында қабылданады.
Курс 2 қыркүйекте басталады. Ал оқыту офлайн форматта өтеді. Курс 4 айға жалғасады.
Сабақтар аптасына 3 рет өтеді. Сонымен қатар курс соңында қатысушыларға сертификат табысталады.
Курсқа тіркелу үшін Астана қаласы, Бейбітшілік көшесі, 9-үй, 209-кабинетке бару қажет.
Байланыс телефондары:
• Жұмыс: +7 (7172) 24-90-52;
• Ұялы: +7 (707) 797-71-43.
Осыдан бұрын биыл мектепке баратын балалардың 70 пайызы қазақ тілін таңдағаны айтылды.
