Елордада жаңа жылға орай бұқаралық жүгіру ұйымдастырылады

АСТАНА. KAZINFORM — Астанада жаңа жыл қарсаңында бұқаралық «Жаңа жылдық жүгіру – 2025» спорттық шарасы өтеді. 

Елорда әкімдігінің мәліметінше  «Жаңа жылдық жүгіру – 2025» спорттық іс-шарасы 2025 жылдың 28 желтоқсанында Триатлон паркінде өтеді.

Іс-шараның басталуы сағат 10:00-ге жоспарланған.

Қатысушыларды тіркеу сол күні сағат 08:30-дан 10:00-ге дейін жүргізіледі. 

Ұйымдастырушылардың мәліметінше, іс-шараға қатысушылар саны 1200 адаммен шектелген.

Шара барысында қатысушылар арасында бағалы сыйлықтар ойнатылады.

Айта кетерлігі, «Жаңа жылдық жүгіріс – 2025» шарасына қатысу тегін. 

Айта кетелік Астанада 26-31 желтоқсан аралығында «Соғым-FEST» мерекелік жаңа жылдық жәрмеңкесі өтеді.