Елордада жауған қардың мөлшері былтырғыдан екі есе көп

АСТАНА. 25 қаңтар. ҚазАқпарат - Өткен жылдың қаңтар айымен салыстырғанда, биыл Астанада жауған қардың мөлшері екі есе көп болып тұр.

Қазгидромет орталығының директоры Баян Сазанованың айтуынша, қаңтар айында жауатын қардың орташа мөлшері - 18 сантиметр. «Былтыр ол көрсеткіш 16 сантиметр болған, ал осы жолы қардың қалыңдығы 33 сантиметрге дейін жеткен. Жалпы, елордада жауған қардың ең көп мөлшері 42 сантиметрге дейін барған», - дейді Б.Сазанова.