Елордадағы автосервис қызметкерінен 6 келі есірткі тәркіленді

НҰР-СҰЛТАН. ҚазАқпарат – Нұр-Сұлтанда полиция көлік жөндейтін орындардың біріндегі 37 жастағы қызметкерден 7 есірткі оралған түйіншек тәркіледі, деп хабарлайды ҚазАқпарат Нұр-Сұлтан қалалық ПД баспасөз қызметіне сілтеме жасап.

Күдіктінің «Nissan» маркалы автокөлігін тінту барысында сатуға дайындалған есірткі салынған тағы 3 полиэтилен пакеті табылды.

Сараптама қорытындысына сәйкес, тәркіленген «нашаның» жалпы салмағы 6 келі болды.

Аталған факті бойынша Қылмыстық кодекстің 297-бабы 2-бөлігіне сәйкес қылмыстық іс қозғалды. Күдікті уақытша ұстау изоляторына қамалды. Қазір есірткінің оған қалай келгені анықталып жатыр.

Айта кетерлдігі, жыл басынан бері полиция заңсыз айналымнан 32 келі есірткі тәркіледі.