Елордалық мектептің газға уланып қалған 10 оқушысы ауруханадан шықты

АСТАНА. Мамырдың 5-і. ҚазАқпарат - Елордалық мектептің газға уланып қалған 10 оқушысы ауруханадан шықты,

деп хабарлайды ҚазАқпарат Төтенше жағдайлар министрлігіне сілтеме жасап. Сәуірдің 29-ында Астанадағы №15 мектеп-лицейдің оннан астам оқушысы уланып, ауруханаға түскенін ҚазАқпарат хабарлаған болатын. Төтенше оқиға сағат 14.35-те 14 жасар оқушының «Шок» газ баллонынан аэрозольды затты тозаңдатуы салдарынан орын алып, 11 мен 14 жастың аралығындағы 11 оқушы уланып, ауруханаға түскен еді. Мамырдың 4-і күнгі сағат 09.20-дағы жағдай бойынша 10 оқушы ауруханадан шықты, 1 оқушы ? 13 жасар қыз бала - нейрохирургия бөлімінде жатыр. Дәрігерлердің айтуынша, оның жағдайы қанағаттанарлық.