19:44, 24 Тамыз 2024 | GMT +5
Елордада Сығанақ көшесі екі күнге жабылады
АСТАНА. KAZINFORM — Астанада жөндеу жұмысына байланысты тағы бір көше жабылады.
Астана қаласының көлік және жол-көлік инфрақұрылымын дамыту басқармасының хабарлауынша, Сығанақ көшесінің Шыңғыс Айтматов көшесінен бастап Тұран даңғылы дейінгі учаскесінде сол жақ жол төсемінің үстіңгі қабатын салу жұмысы жүргізіледі.
Осыған байланысты 24-26 тамыз аралығында жоғарыда көрсетілген учаске ішінара жабылады.
Бұл ретте қозғалыс жолдың оң жағымен екі бағытта қамтамасыз етілетін болады.
«Елорда тұрғындары мен қонақтарынан қала жолдарында кептеліс болмас үшін өз маршрутын алдын ала жоспарлауды сұраймыз. Уақытша қолайсыздық үшін кешірім сұраймыз және жол-құрылыс жұмысын жүргізуге түсіністікпен қарауды өтінеміз» деп ескертеді әкімдіктен.
