Елорданың 2015 жылғы бюджеті қабылданды

АСТАНА. ҚазАқпарат - Бүгін қалалық әкімдікте бесінші шақырылымдағы Астана қаласы мәслихатының кезекті отырысы өтті. Сессия барысында маңызды қаржылық құжат қала бюджеті қабылданды. Бұл туралы елорда әкімдігінің баспасөз қызметінен хабаралды.
None
None

Астана қаласының әкімі өз сөзінде: «Көптеген сарапшылардың пікірінше, алдағы жылдары дағдарыстың өрши түсетініне қарамастан, Нұрсұлтан Әбішұлы өзінің «Нұрлы жол» Жолдауында жаңа экономикалық саясатты және еліміздің дамуының негізгі бағдарын анықтағанын» атап өтті.

Ә.Жақсыбеков Елбасы жария еткен жобалардың елімізге дағдарысты еңсеруге, сондай-ақ, инновациялық және технологиялық болашаққа серпінді қадам жасауға мүмкіндік беретініне сенім білдірді.

«2015 жылғы бюджетті қарап, тиісті түзетулер енгізу керек. Сонымен қатар, әлеуметтік кепілдемелер мен міндеттемелердің ең төмен стандарттарын толық көлемде қамтамасыз етуге міндеттіміз. Барлық пайдаланылатын бюджет қаржысын алға қойған мақсаттар мен міндеттерді шешуге бағыттау керек, олар нақты нәтижелерге әкелуі тиіс», - деді Астана әкімі.

Мемлекет басшысы елордамыздың дамуына баса назар аударады. Бүгінде Астанада көптеген инвестициялық жобалар жүзеге асырылып жатыр. 2015 жылы 200 астам жобаны іске асыруға мемлекеттік бюджеттен 170 млрд. теңгеден артық қаржы қарастырылды. Астана қаласының 2015 жылға арналған бюджет қоры 335,1 миллиард теңгені құрайды.

Астана ағымдағы жылды оң көрсеткіштермен аяқтайды.

«Биылғы жыл Астана үшін қолайлы болды. Елордамыз өзін-өзі қамту деңгейіне шықты. Дамудың барлық негізгі даму бағыттары бойынша жоғары экономикалық көрсеткіштер байқалады», - деді Ә.Жақсыбеков.

2014 жылғы 10 айдың ішінде өнеркәсіптік өнім көлемі 228,6 млрд. теңгені құрады. Құрылыс жұмыстарының көлемі 31,5% ұлғайды. 903,6 мың шаршы метр тұрғын үй пайдалануға берілді, 2013 жылдың сәйкес мерзімімен салыстырғанда өсім 4,5% құрады.

2011-2013 жж. ішінде жалпы өңірлік өнім индексі бойынша жыл сайын орта есеппен 11% тұрақты өсу қарқыны байқалуда, бұл республикалық деңгейден айтарлықтай жоғары (орта есеппен 106 %).

Астана әкімі экономикалық саясаттың жаңа принциптеріне өтудің негізгі міндеттерін атап өтті. Атап айтқанда, бюджетті тиімді пайдалану, «ЭКСПО-2017» халықаралық мамандандырылған көрмесін өткізу, көлік инфрақұрылымын жақсарту, Қабанбай батыр даңғылын модернизациялау, Астана әуежайында ұшып-қону алаңының жаңа терминалын, жаңа теміржол вокзалын салу.

Әділбек Жақсыбековтің атап өтуінше, қаланы дамытудың негізгі бағыттарының бірі «Ақылды қала» жобасын жүзеге асыру болып табылады. «Зияткерлік көлік жүйесі», «БРТ», «Кешенді тіршілік әрекетін қамтамасыз ету жүйесі» және т.б.

Әлеуметтік саладағы мәселелерді шешуге ерекше назар аударылады.

Сөз соңында Астана әкімі қалалық мәслихаттың депутаттық корпусын жемісті әрі сапалы жұмысы үшін шын жүректен алғыс айтып, залда отырғандардың барлығын алдағы Қазақстан Республикасының Тәуелсіздігі күнімен құттықтады.

Соңғы жаңалықтар