Еңбекшілдер ауданына Біржан салдың атын беруге не кедергі
«Еңбекшілдер ауданына Біржан салдың атын беру жөніндегі Ақмола облыстық мәслихаты мен облыстық әкімдіктің 2003 жылғы бірлескен шешімін жүзеге асыруға Үкімет басшысының көңіл бөлуін сұраймын. Бұл жайында 2013 жылдың 7 наурызында сол кездегі Үкіметке депутаттық сауал жасалған болатын, сондай-ақ Мемлекеттік ономастика комиссиясының да қарауына жіберілген. Алайда, ол кезде елді мекендер атауларын өзгертуге мораторий жарияланғандықтан, бұл мәселе уақытша кейінге қалдырылған еді. Енді шешілер деп үміттенеміз»,-деді Парламент Сенатының депутаты Жабал Ерғалиев.
Айта кетейік, Біржан салға өз туған жерінің аумағында орналасқан ауданға халық композиторы мен әншісінің атын беру мәселесін Үкімет шешеді деген елдің сенімі әлі де суыған жоқ. Бұл тұрғыда аудан жұртшылығы осы мәселенің қашан шешілетіндігін үнемі сұрап отыратын көрінеді.