Эр-Риядтағы келіссөздерге қатысушылар үзіліске шықты – БАҚ

АСТАНА. KAZINFORM – Эр-Риядта таңертеңнен бері кеңес өткізіп жатқан Ресей мен АҚШ делегациялары үзіліске шықты, деп хабарлайды ресейлік БАҚ.

Ресей делегациясының мүшесі, Ресей СІМ-нің бұрынғы орынбасары, сенатор Григорий Карасиннің айтуынша, АҚШ өкілдерімен келіссөздер «шығармашылық сипатта» өтіп, «өзекті мәселелер бойынша қызықты пікірталас» өрбіген.

Оның сөзінше, Мәскеу мен Вашингтон «байланысты сақтап, бір-бірінің ұстанымдарын түсініп жатыр».

Бұған дейін Эр-Риядта Ресей мен АҚШ делегациялары арасында консультация басталғаны хабарланған болатын.

Сондай-ақ, 23 наурызда Эр-Риядта АҚШ пен Украина делегациялары келіссөз жүргізгені белгілі.