Ерейментау ауданында полиция қызметкерлері қылмысты ашқанның орнына, жасырып келген

АСТАНА. KAZINFORM – Ерейментау ауданының прокуратурасы қылмысты ашқанның орнына, керісінше тіркемей, оны жасырғанын анықтады. Бұл туралы Ақмола облысы прокуратурасы мәлім етті. 

Атап айтқанда, жеке кәсіпкердің дүкенінен тауарлы-материалдық құндылықтарды ұрлау фактісі бойынша полицияға хабарласып, арыз түсірген, алайда полиция қызметкерлері бұл қылмысты ұзақ уақыт бойы тіркеуден жасырып, оны ашуға ешқандай шара қолданбаған, - делінген хабарламада.

Аудан прокуратурасы қылмыстық істі тіркеп, сотқа дейінгі тергеп-тексеруді жүргізу жөнінде полицияға тапсырма берді. 

Нәтижесінде күдікті тұлғалар ұсталып, іс сотқа жолданды.

Полиция бөлімінің кінәлі қызметкерлері тәртіптік жауапкершілікке тартылды.

Бұған дейін хабарланғандай, соңғы үш жылда ТЖМ лауазымды тұлғаларына қатысты 103 жемқорлық қылмысы тіркелді.