Ермекбаев пен АҚШ елшісі діни бірлестіктермен ықпалдастық саласындағы байланыстарды дамытуды талқылады

АСТАНА. ҚазАқпарат - Бүгін Қазақстан Республикасы Дін істері және азаматтық қоғам министрі Нұрлан Ермекбаевтың Америка Құрама Штаттарының Қазақстан Республикасындағы Төтенше және Өкілетті Елшісі Джордж Кролмен кездесуі болып өтті.

Бұл туралы Дін істері және азаматтық қоғам министрлігінің дін істері комитетінен хабарлады. 

Тараптар кездесу барысында діни бірлестіктермен және азаматтық қоғаммен өзара әрекеттестік саласындағы байланыстарды одан әрі дамыту және нығайту мәселелерін талқылады.