Ертең Ақтөбеде дзюдодан Президент кубогы басталады

АСТАНА. ҚазАқпарат - Ақтөбеде 27 қыркүйек күні дзюдодан Президент кубогы басталады, деп хабарлайды ҚазАқпарат тілшісі.

Жалпы үш күнге созылатын бұл дода елімізде алғаш рет ұйымдастырылғалы отыр. Аталған сында  дзюдошылар команда бойынша сынға түседі.

Жарысқа 2000 жылға дейін туған ер спортшылар қатыса алады.

Президент кубогының жеңімпаздары мен жүлдегерлері дипломдармен қатар, қаржылай сыйлықтармен марапатталады.

Жарыс Ақтөбе қаласындағы «Жекпе-жек» спорт кешенінде өтеді.