Ертең Астанада оқушылар мен студенттер онлайн оқиды

АСТАНА. ҚазАқпарат –Ауа райының нашарлауына байланысты ертең елордада бірінші ауысымдағы мектеп оқушылары үйден оқиды, деп хабарлайды ҚазАқпарат.

«17 сәуір күні ауа райының қолайсыздығына байланысты бірінші ауысымның 0-11 сынып оқушылары және колледждердің 1-2 курс студенттері қашықтан оқыту форматына ауыстырылады», - делінген қалалық Білім басқармасының мәліметінде.

Еске салайық, 15 сәуірден бері елордада оқтын-оқтын қарлы боран соғып тұр. Коммуналдық техникалар күшейтілген режимде жұмыс істеп жатыр. Осы сәтте қаладан шығатын бірқатар трасса жабық тұр.