Есірткі сатумен айналысқан жас жігіттер он жылға сотталды

ОРАЛ. ҚазАқпарат - Бүгін БҚО қылмыстық істер жөніндегі мамандандырылған ауданаралық соты есірткі сатумен айналысқан қос тұрғынды айыпты деп таныды.

БҚО сотының баспасөз қызметінен түскен мәліметке қарағанда, 23 және 27 жасар екі жігіт баю мақсатында алдын ала сөз байласып, есірткі сатқан. Оны сіріңке қораптарына салып, сақтаған. Тергеу органдары олардың үш рет марихуана сатқанын анықтаған. Барлығы 364 грамм марихуана өткізгені белгілі болды.

Сот оларды ҚР ҚК 259-бабы 3-бөлімі бойынша айыпты деп танып, әрқайсысын мүлкін тәркілеумен бірге қатаң тәртіптегі колонияда жазасын өтеуге 10 жылға соттады.