Еуразияның жүрегіне орналасқан елордамыз әлемге руханияттың ірі орталығы, саясаттың іргелі ордасы ретінде танылды - Елбасы Н. Назарбаев

АСТАНА. Тамыздың 30-ы. ҚазАқпарат /Руслан Ғаббасов/ - Еуразияның жүрегіне орналасқан елордамыз әлемге руханияттың ірі орталығы, саясаттың іргелі ордасы ретінде танылды. Бұл туралы бүгін Астанада Конституция күніне арналған әскери шеру барысында Елбасы Нұрсұлтан Назарбаев айтты,

деп хабарлайды ҚазАқпарат.

 «Конституцияда біздің мемлекетіміздің жаңа  елордасы ретінде Астананың мәртебесі бекітілген. Астана - Қазақстанның жаңа дәстүрінің бастамасына негіз болды. Бұл құрылыс салу мен жеңістерге жету дәстүрі. Сондықтан елорданың өркендеуі - бұл біздің халқымыздың саяси  салтанаты. Атап айтқанда, біз осылай барша Қазақстанды гүлдендіреміз»,- деді Мемлекет басшысы әскери шеру кезінде сөйлеген сөзінде.