EURO 2024: Словения мен Қазақстан кездесуінде Рамазан Оразов есепті теңестірді

Футболдан 2024 жылғы Еуропа чемпионатына іріктеу сатысы сегізінші турындағы Словения мен Қазақстан кездесуінде таразы басы теңесті, деп хабарлайды Kazinform.

Бұл голды 47-минутта Рамазан Оразов өзінің еншісіне жазды.

Есеп 1:1. Таразы басы теңесті.

Айта кетсек, ойынның 41-минутында Игорь Шацкийдің қақпасына белгіленген пенальтиден словениялық Беньямин Шешко мүлт кеткен жоқ.

Еуропа чемпионаты іріктеу сатысында қазақстандық футболшылар 15 гол соқты. Оның ішінде Бахтиёр Зайнутдинов - 4, Абат Айымбетов - 3, Максим Самородов. Асхат Тағыберген, Вороговский, Ислам Чесноков - 2 мәрте мергендік танытты.

Ел құрамасы H тобында 9 ойыннан кейін 18 ұпай жинап, үшінші орында тұр. Бұл топта Дания 22 ұпай жинап, құрлықтық доданың финалдық сатысына бір тур бұрын жолдама алды. Ал Словения құрамасының еншісіне 19 ұпай жазылған.

Енді екінші жолдама тағдыры Словения мен Қазақстан кездесуінде шешіледі. Словения үшін тең ойын да жеткілікті, қазақстандықтар тек жеңіске жетуі тиіс.