Еурокомиссия басшысы пневмониядан кейін алғаш рет көпшілік алдына шықты

АСТАНА.KAZINFORM - Урсула фон дер Ляйен жұма күні Берлинге Христиан-демократиялық одақ форумына келді.  

Бұл Еурокомиссия төрағасының ауыр пневмониямен күрескеннен кейінгі алғашқы халық алдына шығуы. Ол бірден Германияның ұлттық саясатына араласып, Фридрих Мерцті ГФР келесі канцлері лауазымына ұсынылуын қолдады.

Урсула фон дер Ляйен ХДС штаб-пәтеріндегі іс-шараға тоғыз үкімет басшысымен және өзінің орталық оңшыл Еуропа халықтық партиясының алты оппозиция лидерімен бірге қатысты.

Еуропалық комиссияның баспасөз қызметі емдеу кезінде Урсула фон дер Ляйен Брюссельдегі командасымен «күнделікті байланыста» болғанын айтты. Оның Ганноверден қашықтан жұмыс істегені аталып өтті.

ХДС басшысы Ф.Мерц үшін бұл шара ЕО-дағы ең ықпалды адамдармен байланысын көрсету мүмкіндігі болып табылады, деп жазады Politico.

Іс-шараны өткізіп жатқан және серіктес партия CSU құрамына кіретін EPP төрағасы Манфред Вебер үшін бұл Мерцке қолдау көрсету мүмкіндігі.

Германияда кезектен тыс парламент сайлауы 23 ақпанда өтеді.

Урсула фон дер Ляйен су тасқынынан зардап шеккен елдерге 10 млрд еуро бөлуге уәде берген еді.