Еуроодақтың Швеция төрағалығы Түркиядағы жер сілкінісіне байланысты арнайы әрекет ету механизмін іске қосты.
БРЮССЕЛЬ. ҚазАқпарат - 6 ақпанда Еуропалық одаққа Швеция төрағалығы Түркия мен Сириядағы жер сілкінісіне байланысты ЕО-ға мүше мемлекеттер мен Еуропалық комиссияны қолдау шараларын үйлестіру үшін Біріккен саяси дағдарысқа қарсы әрекетті (IPCR) белсендіру туралы шешім қабылдады, деп хабарлайды ҚазАқпарат тілшісі.
Дүйсенбі күні Брюссель қаласында осы мәселе бойынша арнайы үйлестіру кеңесі өтті.
Дағдарыс, табиғи апат, табиғи немесе техногендік апат жағдайында ЕО көмек көрсету және жағдайды шешу үшін дағдарысқа қарсы әрекет етудің бірнеше салалық тетіктерін пайдалана алады.
Біріктірілген саяси дағдарысқа ден қою (IPCR) механизмдері ауыр және күрделі дағдарыстарға, соның ішінде лаңкестік шабуылдарға қатысты ЕО саяси деңгейінде жылдам және келісілген шешім қабылдауды қолдайды.
Осы механизм арқылы Швеция 2023 жылдың қаңтарынан бастап жүзеге асырып келе жатқан Кеңес төрағалығы ЕО институттарын, мүше мемлекеттерді және басқа да негізгі субъектілерді біріктіріп, Түркиядағы дағдарысқа саяси реакцияны үйлестіреді.
